Kasat Lantas Iptu Rudi Candra malalui Kanit Gakkum Aiptu Welfin mambana-an kajadian tu. Kecelakaan ko melibat-an Oto Toyota Rush bamerek nomor polisi BA 1407 WE nan dibao dek Sulastri M (56), surang PNS asa Pariaman Selatan, jo Sipeda Motor Honda Shotgun nomor polisi BM 6897 TV nan dibao dek M. Hatta (62), surang buruah harian lapeh asa VII Koto Sungai Sariak.
Carito mangko tajadinyo balantak bamulo samaso Oto Toyota Rush datang dari arah Pariaman manuju ka arah Sicincin jo Sadang elok kancang nyo.
Sasampai di tampek kajadian pakaro (TKP), tibo-tibo sipeda motor Honda Shotgun nan dibao dek M. Hatta madesu dari sabalah kiri jalan, ka masuak ka badan jalan gadang dari arah nan samo (Pariaman manuju Sicincin). Dek jalannyo lah dakek bana, balantak lah antaro kaduo kandaraan tu indak tatulak-an lai.
Akibaik kajadian tu, kaduo pambao kandaraan luko-luko dan langsuang dibao ka tampek kasihatan nan paliang dakek. Sulastri M (Pambao Oto Rush) kapalo paniang jo badan taraso sakik sadolahnyo. M. Hatta (Pambao Onda) kapalo bagian lakangnyo cabiak, sarato kaki luko-luko.
"Kaduo korban sasudah balantak langsuang dibao ka Puskesmas Sungai Sariak untuak dapek parawatan medis," kecek pihak kepolisian dalam laporan tatulihnyo.
Indak ado korban jiwa (maningga dunia) dalam kajadian ko. Pihak kapolisian mamasuak-an kaduo korban dalam kategori Luko Ringan (LR). Namun, dek karano karusakan fisik pado kaduo kandaraan nan balantak tu, karugian dikiro - kiroan sampai Rp 20.000.000,- (Duo Puluah Juta Rupiah).
Kini ko, kasus kecelakaan lalu lintas tu lah ditangani dek Unit Gakkum Satlantas Polres Padang Pariaman untuak panyalidiakan labiah lanjuik. Patugas lo maimbau ka sadoalah urang nan mamakai jalan supayo tatap baati-ati jo mamparatian aruih lalu linteh samaso ka masuak ka jalan rayo utama. (Roy)
