PARIAMAN - Kapalo Kantua Wilayah Direktorat Jenderal Pemasyarakatan Sumatra Barat mangarajoan kagiatan kontrol jo pangawasan di Lapas Kelas IIB Pariaman dalam rangko monitoring kasediaan manyambuik Hari Rayo Haji 1447 Hijriah. Kagiatan ko dibuek sabagai bantuak panguaik-an pangawasan sarato mamastian situasi kaamanan jo katatiban tatap kondusif manjalang palaksanaan hari rayo kaagamoan tasabuik.
Dalam palaksanaannyo, kagiatan kontrol jo pangawasan ko turuik basinergi basamo pihak lua yoitu 2 urang anggota dari Polres Kota Pariaman jo 2 urang anggota dari Kodim 0308/Pariaman. Kahadiran aparaik panagak hukum jo unsua TNI ko manjadi bantuak kolaborasi dalam manjago stabilitas kaamanan di lingkuangan pamasyarakatan.
Kagiatan dimulai jo paninjauan lokasi lingkuangan lapas, pamaresoan sarano jo prasarano pandukuang kagiatan Rayo Haji, sarato mancaliak kasadioan patugaih dalam palaksanaan pangamanan salamo hari rayo. Salain tu, dilakuan pulo pamaresoan pado kondisi biliak napi untuak mamastian situasi ko tatauk aman, taratik, jo elok - elok sajo.
Kapalo Kantua Wilayah Ditjenpas Sumatra Barat, Kunrat Kasmiri, wakatu maagiah arahannyo, mangarehan pantiangnyo maningkek-an kawaspadaan jo pangawasan manjalang Hari Rayo Haji. Sadoalah jajaran dimintak untuak mangarajoan tugeh jo raso tangguang jawek nan panuah sarato manjago sinergitas basamo aparaik panagak hukum untuak mawanti - wanti potensi gangguan kaamanan jo katatiban.
“Momentum hari rayo musti disambuiik jo kasadioan nan matang, baiak dari sisi kaamanan, palayanan, maupun pambinaan. Sinergi basamo aparat TNI jo Polri manjadi bagian pantiang dalam manjago situasi lapas tatauk aman jo kondusif,” kato baliau.
Malalui kagiatan kontrol jo pangawasan ko, untuang - untuang sadoalah rangkaian parayoan Hari Rayo Haji 1447 H ko di Lapas Pariaman bisa bajalan jo aman, taratik, sarato lanca, sakaligus maagiah raso nyaman untuak patugaih Jo sarato warga binaan. (Roy)
