Kota Pariaman - Pamarintah Kota Pariaman maadoan malam takbiran untuak menyambuik hari Rayo Haji nan ka 1447. Malam takbiran diadoan dipakarangan Balaikota, Salasa (26/5).
"Mari kito basamo-samo inok manuangan apo bana nan sabananyo pangorbanan ko" kecek Walikota Pariaman Yota Balad katiko maagiah sambutan..
Inyo mangatoan malan takbiran ko sebagai padoman untuk menyuksesan pembangunan di Kota Pariaman nan dicintoi ko. Salain tu, malalui acara ko untuang - untuang dapek mampaarek tali silaturahim.
Yota Balad manyampaian baso hari hari Rayo Haji tahun ko marupokan rayo nan kaduo untuk baliau sabagai Wali Kota jo Mulyadi sabagai Wakil Wali Kota Pariaman, sasudah dilantiak dek Bapak Presiden Prabowo Subianto pado 20 Februari 2025 kapatang.
“Sasuai jo visi kami “Tawujuiknyo Pariaman Kota Wisata nan Maju, Kreatif Babasis Agamo jo Babudayo”. Dek karano itu, kami ka taruih maagiah nan tabaiak untuak masarakaik Kota Pariaman,” jaleh baliau.
Labiah lanjuik, Yota Balad manyabuik-an baso untuak mamariahan hari lahia Kota Paroaman ka-24, Pamarintah Kota Pariaman ka maniboan ulama nan tanamo, Prof. Abdul Somad (UAS).
“Insya Allah pado tanggal 1 Juli 2026, UAS ka maagiah caramah agamo di Youth Center, Desa Rawang, Kacamatan Pariaman Tengah,” kato Walikota.
Baliau juo manyampaian raso bangga dek lah ampia duo tahun kapamimpinan Yota Balad-Mulyadi, malam takbiran nan diadoan ko agak babeda, dek karano maajak urang panggaleh (UMKM) di lokasi ko.
“Satiok kagiatan nan diadoan dek Pemko Pariaman, kami ka salalu malibaik-an urang panggaleh UMKM, supayo inyo lo bisa marasokan kabahagiaan basamo jo kito hari ko,” tutuik Wali. (Roy)
