PADANG PARIAMAN - Sifaik punyo raso jo panuah kapadulian dicaliakan dek jajaran Kapolisian Sektor (Polsek) VII Koto Sungai Sariak. Di tangah-tangah tugaih balega -lega tatauk, Kapolsek VII Koto Sungai Sariak, IPTU Edi Saputra, basamo anggotanyo manyampaik-an diri untuak manyunggahi sapasang urang gaek nan iduiknyo mamparitinkan.
Kajadian tu tajadi maso kapolisian Sadang balega indak disangajo mancaliak sapasang urang gaek sadang barado di muko gubuak tampek tingga baliau.
Jo rasi indak ragu, IPTU Edi Saputra lansuang mandakek-i untuak maajak kaduonyo bacarito) lamak.
Sapasang urang gaek tu dikatahui banamo Amak Nilam (75) jo Apak Apuak (79). Kaduonyo tingga di sabuah gubuak saderhana nan balamaik di Lubuak Aro Bukik Gadang, Nagari Tandikat, Kacamatan VII Koto Patamuan, Kabupaten Padang Pariaman.
Mancaliak kondisi tampek tingga jo mandanga carito iduik sahari-hari pasangan gaek ko, Kapolsek VII Koto Sungai Sariak maraso luluah hatinyo.
Sabagai bantuak raso ibo jo kapadulian Polri kapado masyarakaik, IPTU Edi Saputra maagiah sajumlah bantuan pitih tunai sacaro lansuang.
"Bantuan ko mungkin indak sabarapo, tapi kami baharok saketek maringanan baban Amak Nilam jo Apak Apuak untuak mambali bahan makanan jo kaparaluan pokok sahari-hari," kecek IPTU Edi Saputra.
Aksi spontan ko mandapekan respon haru jo ucapan tarimo kasih nan mandalam dari kaduo gaek tu. Kahadiran Polri di tangah-tangah baliau indak hanyo maagiah bantuan materi, tapi lo maagiahan raso aman jo paratian nyato dari aparaik panagak hukum.
Salain manjago kamtibmas, kagiatan balega ko sakaliguih manjadi tampek untuak Polsek VII Koto Sungai Sariak taruih mandakekan diri sarato mangambangan pangabdian tabaiak untuak masyarakaik nan mamaraluan. (Roy)
